昨天, 呀仔又痾又嘔, 攪到好le-he。

晚上，終於可以停下來。

媽：「我第日老左，好似你今朝懶 poo-poo，你會唔會照顧我架？」

仔：「會！我會叫埋老婆tim … 」

媽：「你好乖 …」

仔：「我仲會叫埋個仔… 」

媽：「你好乖呀 …」

仔：「我諗我一個都係攪唔掂… 」

媽：

媽：你因為顧住等796X入科大，唔肯坐105綠van，我們差點遲到，被迫坐的士，這樣就多用了76蚊，明天不要這樣吧！

媽：我要多做76小時工作了^^

仔：物你工時是１蚊咩

媽：係呀

仔：物而家唔係最低工資，1小時28蚊咩

媽：＠＠  

媽：（早上還在洗手間刷牙的時候）

仔： 媽媽，你快d出來啦，你咁鍾意睇新聞，你一定要知道這個新聞。

媽：（終於走出來）有什麼大新聞呀？

仔：特首要辯論，你最鐘意睇的新聞報導會改係八時。

（媽：即係無六點半新聞報導，那真是大新聞！）

仔：媽媽，你有沒有坐過監？

媽：沒有呀！為什麼你這麼問？

仔：沒有 ... 若你沒有坐過監，那我就可以跟你的方法行（其實他可能想說是：跟你的方法做人），但若你坐過監，那我就要靠我自己行自己的路。 

...

仔：你坐過監的話，我就有50%機會會坐監；亦有50%機會不會坐監。

媽：那50%機會會坐監是因為跟我做事而來，係咪？

仔：係呀！

（仔，你都好野，你知道父母對一個兒童的行為影響是很大的呢！） 

月光媽：你常識測驗的表現可不錯呢！

月光媽：（一面看測驗卷，一面想幫太陽仔從錯誤的答案中學習）咦！為什麼你會認為「人」「既不是動物、也不是植物」

月光媽：天父在宇宙之中。

月光媽：都可以咁講。

月光媽：沒有「路」架！

太陽仔：咁天父點樣去到宇宙，祂飛上去的嗎？

月光媽：（唔怪得之前你問我有沒有「路」）… 都可以咁講。

太陽仔：死去的人係咪都係天父那裏。

月光媽：係呀！天父都愛死去的人，他們都在天父的懷抱。

月光媽：（點解你d問題咁深嘅）呢d係好複雜的問題，等我日後慢慢解釋比你知啦！

太陽仔：（高興及雀躍地）媽媽，Yo Yo（是太陽仔將來會跟她結婚的其中一個朋友仔；因為我也是其中的一個）剛從台灣旅遊回來了。 

月光媽：是嗎！ 

太陽仔：不過，她沒有投票給馬英九。 

月光媽：（唷！）你怎麼知道呢？ 

太陽仔：是Yo Yo 告訴我的。 

月光媽：（乘機問多句）那麼，你是否希望馬英九選舉獲勝？    

太陽仔：我都想馬英九獲勝。 

月光媽：為什麼呀！ 

太陽仔：謝長廷成日鬧人嘅！  

月光媽：（嘩，你連謝長廷都識。死喇！我都唔多覺謝長廷成日鬧人。唔通，我只顧聽政綱，忘記了看他的政治表情！）

太陽仔：媽媽，你知道麻，我今天上音樂課睡着了！差不多二時四十分才醒！ 

月光媽：你可有流口水呀！ 

太陽仔：沒有！ 

月光媽：你的同學沒有叫醒你嗎？ 

太陽仔：沒有！是我自己醒來！其實，我是不想睡的；「我」一直是睜開雙眼上課，是「雙眼」自己瞌上呢！ 

月光媽：（無言以對！你視自己為主體？還是客體呢？唔 …… 對的時候，就是主體；不對的時候，就是客體。果真高招！下次，我可以這樣說，「我」已經好努力，是「個腦」自己唔去0稔！）

每晚，看見你睡得正酣，

心裏就會泛起有一份欣慰、感激之情。

原來，造物主早就讓我們有安睡的福份。

他日，你長大後，

或是因為失戀、失業、失去方向而難以安睡，

要記起從前有這樣的日子 －－

可以安睡。

這個福份，是你從小就已經擁有了！